潮龍園

營業中

休息中

今日同家人買餸及補充日用品前，先於合益街市附近醫肚。揾到紅van站附近有潮龍園，就決定試下，今次係第一次幫襯。我叫咗雲吞麵 - 有4粒雲吞，雖然唔算大粒，但都幾好食。家人叫咗魚蛋蛋 - 魚蛋好食過位於又新街的另一間。腐乳通菜 - 質素及份量都唔錯。凍奶茶 - 茶唔夠濃，奶太多。叫咗2個麵，加一個通菜，一杯凍奶茶，一支豆漿，都只係80幾元。唔可以話超平，但價錢算大眾化。性價比算高！職員的態度亦算幾好，對比其他的餐廳來講，已經滿意。