二家姐正宗原味麻辣火鍋

營業中

休息中

微微雨凍凍地最好打邊爐喎，呢間火鍋店都唔錯，瞇埋眼亂叫每人都唔使$400，幾好坐幾抵食。蜆蚧鯪魚球比想像中大粒，都好食，不過似乎唔係好夠彈牙。黃金皮蛋少少辣，佢個汁都調得幾好。脆炸蝦金花其實就類似好多材料嘅大粒炸蝦丸切開一半，點埋甜酸醬又幾好食喎。大size安格斯牛頸脊$298一份性價比都幾高，你睇吓啲雪花幾靚仔就知道啦，佢切得唔會好薄，所以咬落去口感唔錯。巨型鮮蝦雲吞其實又唔係真係好巨型，不過入面隻蝦又真係幾新鮮嘅，都算爽口彈牙。