烚時・滾動 (裝修中)

⭐️ 太子砵蘭街附近搵食，經過「烚時·感動」比呢個名吸引我哋兩個女仔入去😍其實餐牌有「半份」叫，啱曬我哋女仔胃口，可以叫多幾款😋======= ======= ======= =======打邊爐最重要係湯底同埋牛肉，呢兩樣嘢絕對無令我哋失望，加咗好多分💯🥬芫荽皮蛋湯底$58（中鍋）好足料，芫荽真係多到爆，啖湯好濃郁，簡直係芫荽控嘅天堂。🥩美國安格斯三國肥牛$128（細份）肥牛紋理好靚，口感軟腍有鮮牛味，而且好抵食，真心好正。另外叫咗扇貝、韭菜餃、稻庭烏冬、娃娃菜、山根，全部新鮮材料，特別讚韭菜餃真係好香好好味😋仲有我哋最愛嘅「支裝可樂」，每人飲咗幾支，再飲埋一大碗芫荽皮蛋湯，非常飽足了。另外樓上鋪嘅關係，好有私人空間嘅感覺，可以盡情地傾偈，我哋話一定會再嚟幫襯。