二八火鍋 (已結業)

二八火鍋一早bookmark左，聽朋友講好抵食終於得閒去試下有幾多隻肉有幾抵食！$228火鍋任食💛湯底：招牌沙爹同雜菌雞湯鴛鴦鍋湯底好濃郁，都唔洗點豉油💛自取區酒水任拎，有各式汽水、雪花啤酒、自家竹蔗茅根另外加錢就可以轉其他支裝啤酒如：青島、藍妹、生力等💛肉類有驚喜！竟然有咁多種類既牛肉有手切本地吊龍肉、安格斯牛小排、安格斯封門柳、牛利心、牛爽肉、黑柏葉、白柏葉、牛骨髓、牛王喉等等新鮮牛肉勁重牛味😋 勁香濃另外豬肉都好多款：本地肉眼筋、鹿兒島黑豚肉、橡果黑毛豬肉、本地豬潤等等新鮮豬肉無雪藏味，豬潤有驚喜！厚身又新鮮😋💛小食打得邊爐耐怕膩仲有啲小食，小食種類都幾多！有撈汁皮蛋、吉列墨魚餅、酒香鴨舌、油炸花生、炸鮮蝦雲吞、椒盐栗米、冰火水魷等等食下花生配啤酒都幾過癮😋💛丸菜水產類有好多手工丸，例如：手工生牛丸、手工胡椒猪肉丸、手工韮菜餃、鮮蝦滑等等食得出新鮮味道😋蔬菜都好鮮甜！水產類有大魚頭、花枝片、脆鯇片、脆鯇骨腩、水魷魚等等食物質素真係幾好，又食到咁多唔同肉類呢個價錢的確抵食！價錢：$228（另加一）⭐️⭐️⭐️評分：9/10⭐️⭐️⭐️📍二八火鍋 (佐敦)佐敦北海街17-19號地舖至1樓