影片
更多
2022-12-03
389 瀏覽
今日我同屋企人揀咗 plan B 美國牛肉放題，其實我見到 plan A 都已經包含咗豬雞同海鮮，基本上種類都好多，見到有兩款出面少有嘅日本酒糟目拔魚 & 西京油甘魚，我就二話不說揀咗 plan B喇！餐廳好有格調，座位又好闊落～ 侍應會指導燒肉既火侯，介紹依家只要 like 炎舞家嘅 IG 或 fb page加share，就會每人送一客三片嘅 A4 和牛，如果揀咗 plan C/D 嘅和牛放題，每兩個人就會升級送韓式醬油蟹一隻，真心吸引！如果想啤酒放題的話，只需要加多$48就可以。Plan B 先有嘅兩款魚，都幾大件下，燒完塊皮脆脆地，啲肉都彈牙同滑，而且都好入味！嗰隻酒糟目拔魚食落仲有少少酒香味，好特別！每款豬牛雞肉都有幾個味道可以揀，我每種都試下，肉質款款都嫩，牛仔骨係薄切，所以骨嘅位唔會好難熟。我好欣賞原味嘅厚切豬腩肉，即磨岩鹽同埋黑胡椒落隻碟度點嚟食，再落單點埋生菜加泡菜夾住嚟食，好韓風！啲豬腩肉燒完都好彈牙，推介！至於海鮮類，呢度燒嘅係虎蝦啊！肉質彈牙仲有蝦膏添！呢度嘅生蠔真係好大隻同新鮮，我一個人都食咗六隻，好 juicy！另外叫咗芝士年糕，加埋沙律醬食真係好正！胡麻豆腐
餐廳好有格調，座位又好闊落～ 侍應會指導燒肉既火侯，介紹依家只要 like 炎舞家嘅 IG 或 fb page加share，就會每人送一客三片嘅 A4 和牛，如果揀咗 plan C/D 嘅和牛放題，每兩個人就會升級送韓式醬油蟹一隻，真心吸引！如果想啤酒放題的話，只需要加多$48就可以。
Plan B 先有嘅兩款魚，都幾大件下，燒完塊皮脆脆地，啲肉都彈牙同滑，而且都好入味！嗰隻酒糟目拔魚食落仲有少少酒香味，好特別！
每款豬牛雞肉都有幾個味道可以揀，我每種都試下，肉質款款都嫩，牛仔骨係薄切，所以骨嘅位唔會好難熟。我好欣賞原味嘅厚切豬腩肉，即磨岩鹽同埋黑胡椒落隻碟度點嚟食，再落單點埋生菜加泡菜夾住嚟食，好韓風！啲豬腩肉燒完都好彈牙，推介！
至於海鮮類，呢度燒嘅係虎蝦啊！肉質彈牙仲有蝦膏添！呢度嘅生蠔真係好大隻同新鮮，我一個人都食咗六隻，好 juicy！
另外叫咗芝士年糕，加埋沙律醬食真係好正！胡麻豆腐沙律好 fresh，食得肉類太多可以中和下。佢啲溫泉蛋好有蛋味，我諗應該係日本蛋嚟！雪糕係 Haagen-Dazs！食埋甜品，真係好滿足！
張貼
