蜜斗 (已結業)

響中環搵食唔難，不過要揾價錢相宜又好吃的，則非常艱難。閒閒地一餐過百，對於小小打工仔黎講，真係負擔好重架！好彩有食神同事，捐窿捐罅搵野食，搵到黎呢間都幾隱世下既地方。未食已經比佢個裝修吸引左，一個字, 靚！舖面座位唔多，lunch 時間黎到，都等左約10分鐘先入座。見佢餐牌上面主打健康野，又特別標明 「無添加」、「無麩質」，應該係個敏感體質、着重健康人士既好地方。因為呢類人平日唔會食車仔麵呢d 「垃圾」食物架嘛 我揀左大腸、雞翼腸粉，配石磨芝麻花生醬。份量都算ok，腸粉幾爽滑，38蚊黎講，算係超值！