楊記麻辣魚館 (長樂街)

營業中

休息中

又到午餐時間，今日工作成肚氣，於是跟同事想食些麻辣野刺激下來個發泄吓，於是就行去佐敦準備食碗麻辣米線，點知經過楊記麻辣魚館時發現竟然小菜館有午市套餐，而且還白飯任裝，於是膽粗粗入去試下。當時心諗小菜套餐應該很細碟餸，點知完全錯晒，所有套餐都像單叫小菜一樣大碟，如幾位朋友去吃，直情可以當叫小菜然後share 一齊食。最正係佢白飯任裝，而且套餐包一杯飲品，凍飲都不用加費，除了汽水和王老吉外。套餐都有成16款選擇，而且一律$50，從中有6款$60。我當日就叫了口水雞套餐，開頭以為得例牌，點知有成半隻雞吃，而且夠味道，雞肉也算滑，性價比極高。最重要包埋杯凍飲，食辣野點可以沒有凍飲配合。唯一少少扣分是沒有紙巾提供，食辣野有些人會出汗或流鼻水，如果有埋紙巾提供就非常好。