住家菜 (柯士甸道)

營業中

休息中

星期六被叫返工，仲要係放假MOOD中，真係一件非常痛苦既事，午飯就去了附近的住家菜解決。住家菜是我每次諗唔到食咩既時候都會去幫襯既地方，原因係款式多，實有一款啱食，而且有湯，有甜品，十分豐富。餐廳大部份是卡位，座位舒適且光猛，完全無食茶餐廳既又迫又濕既感覺。點了餐後，先送上羅漢果菜乾豬骨湯，羅漢果有甜味，加上菜乾兩者的鮮甜回甘的感覺，湯甜且滋潤，冬天最啱飲。同事叫的豉汁蒸西糟西糟已去骨，有半份份量，是每天新鮮取貨，所以魚肉新鮮鮮甜，沒有魚腥味，肉質嫩滑，而且雪白無骨，加上豉汁蒸，豉汁咸味落了在魚肉內，有咸味亦提鮮。我點的蝦醬蒸豬肉片蝦醬味比較淡而且甜味較重，肉片混合了碎冬菇、豆卜及蝦米等，其中豆卜吸收了所有的精華，有菇香又有鮮味，比豬肉片更吸引，另外豬肉人手切片，不會太厚，肉質嫩腍，非常入味，送飯一流。最後上埋糖水綠豆沙，有很香的臭草味，還有海帶，綠豆煲得很腍及爆花，甜度適中。茶餐廳價錢，中菜館級數，性價比高，是我其中一間最喜歡的餐廳。