C2 Lab

營業中

休息中

同事約左一齊食飯，早一日訂左枱，入到餐廳位置唔多，大概有二十五個位度，午餐時間真係要訂枱。今日試左燒西班牙黑毛豬梅扒配芥末籽燒汁($92) 首先黎左是日餐湯先，餐湯係椰菜花忌廉湯配上熱辣辣餐包仔，忌廉湯好濃奶味，但除左奶味好似無咩其他味道，可能係椰菜花本身無咩味道。飲完湯上主菜，豬扒煎得幾好，咬落去鬆軟，調味剛剛好，配菜有荷蘭豆同薯仔，但啲配菜如果熱啲就更好。一至五午餐時間唔洗加一，而且飲品除左基本既檸茶檸水，仲有橙汁、菠蘿汁同比較少見既紅莓汁揀，係深水埗區返工既朋友可以黎試下😋