你妳 (運通洋樓) (已結業)

一直都好鍾意食台式小食，所以就慕名嚟到呢一間開咗一排嘅小店。呢間小店專賣芋泥吐司同炸甜不辣。由於小店座位比較少，所以晚飯時間既輪候時間比較長。黃金鹹蛋黃芋泥紫薯吐司呢一份吐司包含咗三款我最鍾意嘅食物，就係鹹蛋黃，芋泥同紫薯！成份吐司嘅餡都多到要爆出嚟，我覺得紫薯嘅味道更香更特別，加上鹹蛋黃嘅香味，真係好好食！甜不辣 地瓜番薯條呢一個甜不辣同薯條一定係呢一間鋪必食嘅其中一款食物！首先甜不辣係將煙韌嘅甜不辣切成一片片油炸，外脆內煙韌嘅口感令人欲罷不能。呢個價錢，再有埋番薯條真係好抵食。台式牛肉麵講起台式小食又點少得經典嘅牛肉麵，呢度嘅牛肉煮得好軟好入味，比起其他賣牛肉麵專門店都唔會輸。飲品最後我哋叫咗兩杯飲品分別係炭焙可可珍珠奶茶同抹茶奶綠珍珠，我覺得兩杯飲品都好高質，唔會太甜。