一碗肉燥 (喜薈)

營業中

休息中

一碗肉燥 係長沙灣開左一段日子，但無乜機會入去試，今晚終於同太太黎試下。望落鋪仔細細原來入面都幾多枱，七點幾晚市唔駛等位，正。自己劃飛，一人一張好似唔太環保。主要係揀麵定飯，同埋咩餸。飯就揀左個撈起，即係可以揀三款餸。揀左黑糖豬軟骨、台灣腸同埋雞翼，加埋本身有的肉燥同埋半隻蛋，都幾豐富。豬軟骨味道普通，夠淋；雞翼做唔到有兩隻中翼，不過味道無乜特別；台灣腸有一條，一般台灣腸味道；蛋無特別；肉燥揀左辣味，基於本人唔算好食得辣，所以覺得有少少辣，不過可以接受，送飯一流。三餸黎講幾抵食。另外叫左個回魂黑醋豬軟骨撈麵。整體評價同個撈起三餸飯相約。個餐包杯蜂蜜紅茶，加左$6轉左其中一杯做泡沫珍珠奶茶。蜂蜜紅茶幾好飲，杯珍奶就普普通通不過不失。最特別係呢度凍飲熱飲同價，係香港好少有。整體黎講都值得推介，五十蚊包飲品味道唔錯。行過可以一試。