詠藜園四川菜館 (已搬遷) 新店位置

咁岩兩老放假就帶我食佢地認為既好野。平時好少行慈雲山，心諗只會有集團式餐廳，原來行遠d有好多特色小店冇咩人知。餐廳門面舊舊地，我呢d後生一般都唔會行入去。一入到待應已送魚皮花生🥜見到呢張書法都知担担麵係必嗌既每次同兩老食上海/四川野都會叫鱔糊。價錢平份量多，韮黃新鮮，醬汁香濃，比大般商場或小點出品好太多了。 食得出冇味精唔口乾。小籠包即叫即整，肉汁甜而不油。平時烤芙勁細碟，呢度係平時兩倍好開心🥰担担麵會落單時問你要幾辣，好香花生味，食得出唔係hea整用好多花生醬溝個担担麵湯出泥，而係真花生同濃湯底整。好想飲湯多過食個麵😂，麵係上海麵，通病係好快淋，但我地響佢淋之前都食曬啦😂