日和号壽司料理 (已結業)

去Megabox睇完Top Gun，出嚟見到呢間裝修好特別嘅日和號壽司料理，我哋決定入去試吓。餐廳用咗日本火車做主題去裝修，我哋咁啱坐嘅卡位就喺火車入邊，直頭有啲坐住日本火車去食壽司嘅感覺😂坐低一睇個餐牌，發現原來好多刺身壽司都有半價優惠，我哋決定叫多幾樣嚟試吓。刺身我哋叫咗三文魚腩、劍魚腩、油甘魚同帆立貝。每樣都份量十足，質量亦唔錯。當中我哋兩個都覺得三文魚腩切得好厚，食得好高興，值得推薦！跟住叫左幾款軍艦壽司，有三文魚籽、海膽同碎呑拿魚腩。海膽份量較少，不過都係新鮮嘅。我哋其他點嘅壽司當中，我哋比較喜歡燒左口魚，因為油脂較豐富。燒蟹棒亦都唔錯，可以試下。