慢煮工業 (已結業)

朋友帶我黎食慢煮餐，朋友訂了8:15pm，星期四亦坐滿客人。店舖由門面到內在擺設都充滿小心思，門口有個cajon，俾人坐?8:15pm準時安排入座，眼見店內已坐滿客人，經店員帶領，原來入面另有位置，亦有樓上座位。食物唔算貴，而且唔收加一服務費，性價比高。想試ge手工啤全部都冇晒，只好叫cider，野莓味蘋果酒($40)好甜，似飲汽水，易入口。樓上座位更清靜，同樣有充滿心思ge擺設，亦設有自助餐具及醬料區。法式豬鞍($98)，肉質非常軟，冇油膩感，調味適中。甜萫薯條($28)偏乾身，而且味道較啖，點茄汁或沙律醬更好食。芝士流心蛋大啡菇($30)上面鋪上一大塊芝士，切開後蛋黃流出。波士頓龍蝦半隻($78)殼偏軟身，鉗唔開但可以用撕開，蝦身亦有芝士。慢煮伯爵茶梨子配雪糕($48)我地選配玄米茶雪糕，店員為我點蠟燭，初初以為個心心係裝飾，好靚。原個梨子，顏色以浸滿焦糖，食落口，係好香ge茶味，好有驚喜。玄米茶雪糕同樣好香茶味，不過因為梨子茶香更大，要清一清個口先試到玄米茶味道，伯爵茶+玄米茶雙倍茶香。