八幡屋涮涮鍋 (已結業)

第一次食八幡屋，即到即入，可能時間尚早，唔算多人，裝修仲係好新，感覺上幾好feel，同埋都幾乾淨，店員亦相當有禮貌。第一時間睇睇個放題餐牌先，價錢尚算平宜。上次朋友食過推介食特選美國牛肉，話唔係流野，所以我地今次都選左特選美國牛肉 $248，日式料理＋火鍋放題任食兩小時（另收加一）～ 湯底就選左骨膠原豬骨湯，因為我地今次黎主要想試下佢既肉，豬骨湯唔會搶左肉既味，同埋店員都推介。湯底黎到既時候真係有一會骨膠原另上，不過店員太快手，影唔切相。 係等緊水滾既中間，我地去左拎醬料，同一般日式火鍋店一樣，基本醬料都有。另外飲品亦都幾齊，大部份罐裝汽水同茶都有。呢個都有供應雪榚，係雀巢雪榚。可能有d人會扣分，但係我係雀巢雪榚香芋味既fan！所以到最後我一共食左兩杯香芋味！當然佢有好多味選，不過其他果d我都無興趣～ 牛肉黎左，睇黎唔錯，非常均衡，食落都好有牛味。有好多鋪頭得第一碟係最靚，但之後我地叫既幾碟都保持到水準，條理分明。值得一讚。肉既話佢除左牛，仲有豚肉同雞件肉。 豚肉係一碟碟叫，雞件肉就係自己係出面拎，質素都唔錯。當然牛係最好食！ 有各類既菜，菇，瓜。仲有各種既丸、腸、餐肉，選擇都算多。