川粵 (流尚坊)

營業中

休息中

新開川菜館，睇過menu價錢都幾平，決定試下。至尊套餐前菜小食花多眼亂樣樣都想試，於是叫咗個至尊套餐，九宫格內放滿9碟小菜，有口水雞、紅燒牛肉、川式豬手、涼拌木耳、涼拌萵荀、尖椒皮蛋、泡椒鳳爪、麻辣魚皮同紅油抄手。麻辣魚皮夠爽脆、紅燒牛肉夠晒腍身又入味、口水雞嫩滑又惹味。九款小食有辣有唔辣，各有特色。酸菜魚選用香滑甜美的魚，再加入酸菜，入口酸辣分明，配合港人口味，香料、酸度不會太濃和太酸，恰度好處。大鍋內也有很多配料，薯粉、蓮藕片、萵荀、杏鮑菇等，價錢便宜，卻足料，性價比高！食辣野當然要叫番杯可樂、新鮮豆漿解下辣。