水木日本料理 (已結業)

今日同媽媽去完apm買野，我地見肚餓但又唔想係商場食就揾下附近有咩餐廳岩食，媽媽話想食日本野，見到呢間新開就上去試下。炸池魚 $68份量都幾多，池魚炸到外面脆卜卜，一咬落去仲有汁，魚肉嫩滑，無咩骨，一口一條配埋啤酒好正。燒飯團 $48飯團外脆內軟，醬油味道香濃，入面仲有三文魚肉，唔會好乾。全炙壽司 另外叫左壽司一齊share，有帶子，深海池魚，目張，左口魚邊，海膽，大拖羅。帶子厚肉，味道鮮甜。左口魚邊因為炙燒過油脂豐富。海膽入口即溶，鮮甜無比。大拖羅油脂分泌平均，無筋。