甘味讚岐手打烏冬 (已結業)

上星期同朋友去左左元朗YOHO睇戲，睇完戲更係要去搵野食啦，呢個商場都有幾多日本餐廳，最後揀左食日本烏冬，不過晚飯時間都幾多人，等左成半個鐘先有位，呢間標榜係用日本正宗的四國讚岐手打烏冬，烏冬款式都幾多，我地叫咗兩碗烏冬，分別係蕃茄豬軟骨烏冬，同埋蕃茄薄切肥牛烏冬。蕃茄湯底偏酸，但蕃茄味超濃，而且湯底裡面有好多舊蕃茄，非常足料呀，鐘意蕃茄人士一定要食！另外豬軟骨同肥牛都煮得好入味，烏冬面條相當Q彈，整體味道還不錯，價格唔算太貴，都幾抵食呀，可以一試！