影片
更多
2017-09-06
103 瀏覽
年頭既時候同朋友黎過呢度食晚飯，覺得非常超值，今日趁有舊同學聚會，一於一行四人黎再食過啦。今次既餐牌係以movenpick雪榚黎做主題，可能因為咁，餐廳多達八成係年輕女仕。有選擇困難症既我地，費事諗食咩，一於叫個四人餐，有湯有主菜有甜品有飲品，加$48仲有個小食拼盤添。是日餐湯係西蘭花忌廉湯，西蘭花味好重，入口香滑，稀稠度剛剛好。4 人小食拼盤: 小食拼盤有腸仔，雞翼，魚柳，薯角同炸蝦，炸得非常好脆，不過雖然話係四人拼盤，但唔係每一樣食物都有四件，唔係咁易分。澳洲 T 骨牛扒配蒜蓉汁: T骨好大塊，份量十足得黎肉質亦都鬆化美味。五成熟既牛扒，切開後肉質呈嫩紅，入口有肉汁，帶少少油脂，食落好香口。伴碟既薯角亦都整得非常香脆。香草海鮮忌廉汁天使麵: 天使麵唔太油，口感較軟，海鮮份量亦都算足料，天使麵亦都因為幼既關係所以吸晒香草海鮮忌廉汁既味度，非常香口，令人食到停唔到口。蒜泥白酒大蜆煮扁意粉:意粉同白酒大蜆係分開上，由於意粉本身無咩汁，分開上賣相睇落比較清淡。不過，用蒜蓉同白酒煮成既大蜆，入口清甜，用醬汁淋上意粉上食，味道剛剛好。香煎挪威三文魚配龍蝦忌廉汁:厚切既三文魚灑上粗鹽後煎過後，
今次既餐牌係以movenpick雪榚黎做主題，可能因為咁，餐廳多達八成係年輕女仕。
有選擇困難症既我地，費事諗食咩，一於叫個四人餐，有湯有主菜有甜品有飲品，加$48仲有個小食拼盤添。
是日餐湯係西蘭花忌廉湯，西蘭花味好重，入口香滑，稀稠度剛剛好。
4 人小食拼盤: 小食拼盤有腸仔，雞翼，魚柳，薯角同炸蝦，炸得非常好脆，不過雖然話係四人拼盤，但唔係每一樣食物都有四件，唔係咁易分。
澳洲 T 骨牛扒配蒜蓉汁: T骨好大塊，份量十足得黎肉質亦都鬆化美味。五成熟既牛扒，切開後肉質呈嫩紅，入口有肉汁，帶少少油脂，食落好香口。伴碟既薯角亦都整得非常香脆。
香草海鮮忌廉汁天使麵:
天使麵唔太油，口感較軟，海鮮份量亦都算足料，天使麵亦都因為幼既關係所以吸晒香草海鮮忌廉汁既味度，非常香口，令人食到停唔到口。
蒜泥白酒大蜆煮扁意粉:
意粉同白酒大蜆係分開上，由於意粉本身無咩汁，分開上賣相睇落比較清淡。不過，用蒜蓉同白酒煮成既大蜆，入口清甜，用醬汁淋上意粉上食，味道剛剛好。
香煎挪威三文魚配龍蝦忌廉汁:
厚切既三文魚灑上粗鹽後煎過後，賣相呈金黃色，入口外脆內滑，配埋龍蝦忌廉汁食真係好好味。至於配碟既薯蓉亦都非常香滑，牛油味又唔重，值得一讚。
餐飲方面可以選擇餐牌上22蚊或以下既飲品，叫其他飲品只需要俾返差價就得。 我地分別叫左玫瑰蘋果醋，茉莉蜜糖梳打，藍糖奇異果梳打同埋抹茶鮮奶。
茉莉蜜糖梳打: 茉莉花茶加入蜜糖同梳打水打過後，入口非常清新，甜甜地，亦都帶輕輕既花香味，夏日炎炎飲真係可以消暑。
抹茶鮮奶雖然無漂亮既拉花，但係入口非常香滑，抹茶味好重，非常香濃，如果想吸引客人影相，建議整個拉花，咁相信好多人會即時「相機食先」。
飲品飲到一半既同時，我地期待已久既movenpick雪榚終於到啦，共有四種味道，分別係士多啤梨，朱古力，雲尼拿同埋奶凍味，真係帶俾我地女仕們難忘既晚上。
張貼
