影片
更多
2020-03-17
550 瀏覽
喺網上面睇到佢嘅Set Dinner做緊特價而且環境睇落幾舒服所以想試一試，終是就Book左喇！7點左右入到去個場唔算太Full到8點開始就多人，環境幾闊落，而我同男朋友就安排左坐喺近窗口嘅位置，幾舒服😌我地叫左一個Set Dinner ($388) 再加一個薯條，上菜時間都算快，大約15分鐘左右就有得食喇！首先黎到嘅係呢個煙三文魚柚子沙律，個沙律仲有生菜、菠菜、車厘茄同青瓜，好足料，而且柚子好甜，煙三文魚唔會腥又唔會太咸，好味！之後就到另加嘅紫菜風炸薯條配黑松露沙律醬($68)，薯條炸得好香脆仲夠熱，但係最最最好味都係個黑松露沙律醬，黑松露味好出，配薯條真係一流！但係有小小遮左啲紫菜味，中意食紫菜味嘅人可以就咁食，都好好味😋到Main喇，我地揀左牛柳伴法國鵝肝同北海道帶子南瓜意大利飯(+$30)，牛柳我地叫左5成熟但係感覺都有小小overcooked，肉質唔夠鮮嫩，味道冇咩特別，有小小失望，不過個鵝肝都幾好食，油脂好夠！而個飯就比較出色，南瓜味好重好Creamy，帶子煎得啱啱好，加$30都好值得！埋單嘅時候店員話比credit card要收多2% charge，好彩我地夠cash，如
7點左右入到去個場唔算太Full到8點開始就多人，環境幾闊落，而我同男朋友就安排左坐喺近窗口嘅位置，幾舒服😌
我地叫左一個Set Dinner ($388) 再加一個薯條，上菜時間都算快，大約15分鐘左右就有得食喇！
首先黎到嘅係呢個煙三文魚柚子沙律，個沙律仲有生菜、菠菜、車厘茄同青瓜，好足料，而且柚子好甜，煙三文魚唔會腥又唔會太咸，好味！
煙三文魚柚子沙律
17 瀏覽
0 讚好
0 留言
之後就到另加嘅紫菜風炸薯條配黑松露沙律醬($68)，薯條炸得好香脆仲夠熱，但係最最最好味都係個黑松露沙律醬，黑松露味好出，配薯條真係一流！但係有小小遮左啲紫菜味，中意食紫菜味嘅人可以就咁食，都好好味😋
紫菜風炸薯條配黑松露沙律醬
$68
35 瀏覽
0 讚好
0 留言
到Main喇，我地揀左牛柳伴法國鵝肝同北海道帶子南瓜意大利飯(+$30)，牛柳我地叫左5成熟但係感覺都有小小overcooked，肉質唔夠鮮嫩，味道冇咩特別，有小小失望，不過個鵝肝都幾好食，油脂好夠！
牛柳伴法國鵝肝
30 瀏覽
0 讚好
0 留言
而個飯就比較出色，南瓜味好重好Creamy，帶子煎得啱啱好，加$30都好值得！
北海道帶子南瓜意大利飯
14 瀏覽
0 讚好
0 留言
埋單嘅時候店員話比credit card要收多2% charge，好彩我地夠cash，如果唔想比多2%嘅話就記得帶定cash喇！
張貼
