半島漁港/阿翁火鍋館

營業中

休息中

是日同朋友到灣仔半島漁港吃晚飯。好快安排好座位，叫左優惠四寶（龍躉兩味蒜子陳皮蒸頭腩，油泡龍躉球,雙冬羊腩煲，頭抽皇焗海蝦）$1一味極品BB豬，粉葛鯪魚煲唐排，紅燒脆皮乳鴿。邊飲住茶邊食住花生等餸黎。龍躉兩味蒜子陳皮蒸頭腩-陳皮香味加上蒜子香令蒸頭腩更加好味道。油泡龍躉球-龍躉球啖啖肉，味道鮮甜好味道。再加上蜜糖豆，木耳，紅黃椒蒜蓉炒更加好味道。雙冬羊腩煲-羊腩煲暖笠笠，有碟生菜可以自己加入煲中烹調。枝竹，筍，馬蹄都吸收晒羊腩煲汁的香味。頭抽皇焗海蝦-海蝦實肉，頭抽味道岩岩好。$1一味極品BB豬-皮脆又唔會過肥，肉又唔會韌。$1超抵食。粉葛鯪魚煲唐排-飲得出好足料,味道好濃。排骨都食晒。紅燒脆皮乳鴿-皮脆內熱。仲有煲到紅豆好淋既紅豆沙，非常好味道。