真味鮮廚 (已結業)

今晚去了觀塘真味鮮廚食海鮮火鍋，任食任飲。食火鍋前，首先來一個重慶雞鍋，雞非常入味，選了少辣的，還有好多芫荽、洋蔥調味，好味但也要留肚，因為還有火鍋未食。湯底今晚選了沙地瓜瑤柱湯底，沙地瓜原來就是冬瓜，湯底清甜。接着先送上刺身拼盆，包括鮑魚、三文魚、北寄貝、帶子、吞拿魚，刺身非常肥美😋之後送上的海鮮拼盆更吸引，波士頓龍蝦非常新鮮肉質彈牙，好大隻，個鉗拆開啖啖肉。扇貝亦非常大隻鮮甜，還有聖子、龍躉、蜆、螺。另外每人一隻水餃皇，裏面有好大隻蝦，非常足料。食火鍋當然不可缺少肥牛，特級安格斯肥牛，肉質非常嫩及肥美。其中菜都有好多選擇，鮮淮山、粟米、蘿蔔、唐生菜、鮮冬菇、金菇等等，還有肉丸、蝦滑、魚滑等等任食。飲品任飲，包括啤酒、汽水、龍井茶、自家製竹蔗茅根、雪梨水等等。