牛壹台食 (已結業)

今日行經灣仔軒尼詩道，見有間新開的台食店「牛壹台食・牛肉麵專門店」，鍾意試新野的我，就決定食下呢度的麵食。 餐廳以簡單工業風裝修，面積細細，以2-4人木枱櫈為主。以台式麵食為主，還有數款台式飯類、小食等。 呢度套餐都只係由$58起，都真是好抵食。套餐包有食主一款+涼拌+飲品。 涼拌小菜……芽菜以麻油調味，入口清香爽口。 招牌紅燒牛腱心關廟麵餸料有四、五件厚切、口感軟腍、入味的牛腱心，湯底濃郁，加上酸菜、葱花調味，再配上入口爽軟的關廟麵，簡單得嚟，又好好味。 金鳳梨紅茶香甜鳳梨，加上紅茶解膩，清爽解渴。