Mini Friday (銅鑼灣廣場二期) (已結業)

去銅鑼灣行完街想食埋晚飯先走，就揀左mini Friday食！鍾意而家既香港唔太多人易揾位食飯，餐廳唔太多人，好快就有位入去坐低。一坐低，餐廳就會送上一客好似墨西哥薄餅既脆餅上黎，食住慢慢睇menu無咁肚餓。小型版部隊鍋，份量唔會太多但又可以滿足到我想食部隊鍋既心。個部隊鍋仲會跟埋烏冬，加埋烏冬入面更好味，個湯滾下滾好好味。大蝦配香草牛柳肉質唔會太老，肉質鮮嫩，大蝦又爽口，個薯蓉點一點旁邊既肉汁又好好味👍🏻平時食開威靈頓牛柳係一個酥皮包住，呢到就好似春卷咁整都幾特別！整體上價錢又唔係貴，性價比高既餐廳！