火車頭越南餐室 (朗豪坊)

營業中

休息中

朗豪坊4樓有好多餐廳，而係搭長電梯附近就會見到依間火車頭越南餐室。店名同裝修好特別，餐廳廚房恍如一架舊火車🚂，造型別緻也有種身處越南的感覺。火車頭🚆係位於最多野食果層，位置好方便，火車卡🚃係一個廚房，設計好用心而且配合火車頭裝修令人感覺有如身在火車站。餐廳有高樓底，座位整齊，店員招呼好又有禮貌，卡位位置上頭都設有一個帳篷仔🏖，加上燈光💡增加了一份舒適感。呢度嘅午市套餐包咗小食🥗、主食🍛、飲品🥤。小食 - 酸辣去骨鳳爪 鳳爪去晒骨，大大隻好爽脆，醬汁酸酸辣辣🌶開胃又惹味。主食 - 生熟牛肉湯河🍜食越南菜必吃之選，半生熟的牛肉牛腩🐂是完美配搭，牛肉片份量多，牛肉切薄片又肉質鮮嫩，而牛腩爽口軟淋好易咬，真的非常美味。我最喜歡湯底清澈不油膩，而且散發着濃郁嘅牛肉味好鮮好入味，金邊粉索晒湯汁。飲品 - 百香玫瑰花蜜⚘️🍯睇個名好特別又有詩意，其實係百香果茶，沒有好濃的玫瑰味，味道比較偏甜，如果想試建議可以叫小甜。