影片
更多
2019-02-13
136 瀏覽
自從搬出去住,少左同爸爸兩個食飯。今晚休假,爸爸話帶我食一間好少人知而又好好食既西餐廳。都未步入門口,我就比佢既室外室內既座位吸引,非常有情調,成個心情真係好放鬆。再加上店員笑容甜美有禮,好用心為客人服務,例如安排座位既時候會有比客人選擇既機會,亦會為顧客介紹菜單。環境舒適不突止, 配上音樂柔情,二人撐枱腳一流。(爸爸話呢一到絕對係情侶/夫妻共膳既好地方)而可惜今日同佢食既係我,佢個囡HAHA,上世情人都講得通既~今晚爸爸選擇左$188美國安格斯西冷牛扒+ $36配兩隻焗鮮蠔+$40飲生啤(1664)而我就叫左$118 鮮蝦球意粉+凍奶茶先係頭盤沙律, 大讚沙律係配醋而非沙律醬,食材新鮮無論係沙律菜定車厘茄。羅宋湯足料超香,份量大,晚膳完同店員傾計先知道原來個羅宋湯真係落足足本材料,由新鮮牛骨牛肉製成,難怪比出面飲到既更香更濃。飲羅宋湯又點少得牛油餐包呀~~值得抵讚係菜與菜之間既送餐速度非常合宜,完係係根據你食野既速度,店員默默觀察,完全唔趕時間,唔會趕客人走。唔似得好似某D扒房,食飽崔你走咁~講返個主菜先, 安格斯西冷牛扒肥瘦合宜,夠嫩而毫不柴,汁唔夠店員話可以加,但整體醬汁夠多,我
自從搬出去住,少左同爸爸兩個食飯。今晚休假,爸爸話帶我食一間好少人知而又好好食既西餐廳。
都未步入門口,我就比佢既室外室內既座位吸引,非常有情調,成個心情真係好放鬆。再加上店員笑容甜美有禮,好用心為客人服務,例如安排座位既時候會有比客人選擇既機會,亦會為顧客介紹菜單。環境舒適不突止, 配上音樂柔情,二人撐枱腳一流。(爸爸話呢一到絕對係情侶/夫妻共膳既好地方)而可惜今日同佢食既係我,佢個囡HAHA,上世情人都講得通既~
今晚爸爸選擇左$188美國安格斯西冷牛扒+ $36配兩隻焗鮮蠔+$40飲生啤(1664)而我就叫左$118 鮮蝦球意粉+凍奶茶
先係頭盤沙律, 大讚沙律係配醋而非沙律醬,食材新鮮無論係沙律菜定車厘茄。
羅宋湯足料超香,份量大,晚膳完同店員傾計先知道原來個羅宋湯真係落足足本材料,由新鮮牛骨牛肉製成,難怪比出面飲到既更香更濃。飲羅宋湯又點少得牛油餐包呀~
~值得抵讚係菜與菜之間既送餐速度非常合宜,完係係根據你食野既速度,店員默默觀察,完全唔趕時間,唔會趕客人走。唔似得好似某D扒房,食飽崔你走咁~
講返個主菜先, 安格斯西冷牛扒肥瘦合宜,夠嫩而毫不柴,汁唔夠店員話可以加,但整體醬汁夠多,我地都無需要額外加。蠔夠大隻,焗既時間岩岩好,同爸爸一人一隻~
鮮蝦球意粉賣相吸引,一粒蕃茄一隻蝦,蕃茄鮮甜多汁,而蝦肉爽口彈牙,意粉軟硬合宜(個人好怕D意粉太軟而無咬口)
今晚可能係我地食既時間尚早,食到咁上下,成間鋪坐無虛席。食飽重有雪米糕送。
呢間人情味濃既隱世西餐一定要介紹比身邊好友,同店員傾計先知佢地朝早至下午六點係做茶餐廳,六至七就會轉場,化身成我地食緊西餐廳,逢星期一休息。鐘意既朋友可以去試下~
進達餐廳
地址 :屯門藍地青磚圍311號
電話號碼:24545033/24545044
營業時間:二至日06:00
- 23:00午餐時間11:00-16:00設有是日例湯,客人可以任飲*茶餐餐廳:06:30-18:00
晚市扒房：17:00-23:00
張貼
