緣聚鮮鍋 (已結業)

之前有試過到緣聚鮮鍋打邊爐，覺得性價比頗高。上星期在youtube見到有youtuber介紹，除了有雞煲外，另外亦有特色鹵水小食，於是再跟朋友到這裏試試。首先點了一個小辣的雞煲，雞件分量多，肉質結實彈牙。醬料及配料香口，洋蔥煮熟後跟醬汁攪勻更加好食。小辣的辣度適中，香而不太辣。熟食方面，揀選了雞翼、雲耳、牛肚等冷盤。當中以雞翼最為好食，裏面有肉汁，味道有少少似花雕醉雞，但亦有麻油、蒜蓉等鹹香味道。至於鹵水小食方面，雞腎以及豬大腸很不錯。雞腎爽口彈牙，豬大腸則充滿油香，而且沒有豬臊味。 店員更提供白醋，很細心，突然有一種潮州打冷店的風味。至於火鍋配料方面選擇非常多，可以在外邊自取，又可以用QR code落單。當中推薦肥牛，以放題來說，肉質當然未去到頂級，但至少有牛肉味，肥瘦均勻，而且爽口彈牙。因為肉類放在雪櫃，但溶雪程度滿意，輕輕灼十幾秒就剛剛好，配合雞煲的醬汁就更惹味。另外牛柏葉爽口彈牙，生根、響鈴、炸魚片亦都新鮮，每件都完整大件，丸類就正常水準，反而雲吞味道相比上就有少許遜色。飲品方面亦都有大量選擇，除了普遍的可樂汽水，罐裝飲品，亦都有蘆薈汁、椰汁、以及支裝茶，另外更有少見的葡萄適。