金滿都越南餐廳 (已結業)

經過長沙灣諗住求其食，結果叫到一枱都係餸，只因性價比高。。。黑椒牛柳粒- 牛柳粒嫩口，大小剛好，非常惹味。蒸粉包- 唔係咁多餐廳食到蒸粉包，呢度做得好好味，上菜時仲熱辣辣，餡料好豐富，我覺得係呢間店嘅必食推薦！咖喱牛腩煲，配蒜蓉包，牛腩大大件，份量超多，咖哩香而不辣，蒜蓉包做得好香好鬆脆。酸辣明爐烏頭，呢條烏頭不得了，啖啖肉，配酸菜同埋一個好似冬陰公嘅汁，食唔停口！越式拼盤，有魚餅，網卷，豬扒，雞翼，呢，好香口，煎炸程度恰到好處。飛天炒時菜，正常一個菜😅