石之牛石板日式料理 (已結業)

呢間屬於隱世既深水埗既牛扒，平時中午人比較多，下午6點放工黎就唔使排隊。朋友食過和牛大推，今次我同先生就試左 西冷牛扒同肉眼扒。 每個套餐包新鮮沙律菜 + 湯 + 扒 (100g) + 飲品。 百零蚊，真材實料，即上即燒，抵！牛扒上既時候真係表面熱左，入面仲係紅色，自己燒到岩岩好就食得，石板好夠熱，仲有自家mustard 芥末醬岩晒我口味。老闆話如果石板唔夠熱既話，可以同佢講換過一塊，好細心。塊牛食落係正既，無筋，仲有少少肥油好易入口，難得百零蚊仲有呢種厚身既扒，好滿意！因為太飽無飲到湯，淨係飲左柚子密，唔錯。