Steak Bar (已結業)

落大雨又點會阻到我食靚牛呀！Steak Bar 環境不算太大，但總有著一種扒房嘅風味，令人未食已想入非非！餐廳設有Lunch Special主打日式牛扒，有多款牛肉選擇，包括吉列炸牛扒、石燒薄切牛肉等，頂級板腱牛扒等…吉列炸牛扒定食一來當然叫佢地嘅特色吉列炸牛扒，牛扒外層是一層薄薄嘅吉列層，而牛扒內層仍是微紅的…我們只要把牛扒輕輕放上烤爐，微微香煎一下，香脆而軟腍嘅牛扒便可食用了。吉列牛扒食起來外層香脆，內裡肉質軟腍，牛味濃郁，再輕點醬汁/淮鹽，令味道更顯層次！他們的定食餐中更有我最愛的素飯，這樣配合起來，這一點點的咸香，讓人胃口大開。頂級板腱牛扒定食這板腱牛每日限量發售，下單要了五成熟，來到時已聞到點點牛香。輕輕切開肉質軟腍，滲出微微的肉汁，油脂香重，當中又點牛筋位，令肉質細嫩且富含油花，肉汁豐盈，啖啖嚼勁，令人回味。