影片
更多
2022-07-23
2222 瀏覽
餐廳：心裡有素 (油麻地)地址：油麻地廣華街38號地舖油麻地近廣華醫院有間啱啱6月先新開嘅素食餐廳——心裡有素 @veggiemind.group 🥦，佢哋主打素食自助餐，食物不含有五辛：蔥、大蒜、小蒜、韭菜、洋蔥🧅，而且食物喺每段自助餐時段都會源源不絕添加，包你食到捧住個肚返屋企😎星期六嘅中午時間嚟食，做緊新張優惠$88可以食75分鐘，分兩個時段11:45-13:00同埋1301-1415，就算假期嘅晚市嚟食都唔算貴，食90分鐘都喺$108，仲唔收加一；價錢嚟講真喺算幾抵食👍心裡有素以健康同真材實料做主打，所用嘅油喺野山茶油，呢種油不飽和脂肪酸含量高達91%，相對一般油健康；佢哋仲用百年老字號余均益嘅辣椒醬去炒飯麵，果然唔惹少🌶每一輪自助餐都有40幾款選擇，沙律🥗、水果🍉、前菜、小菜、主食🍛、飲品🍵、湯品🍲、炸物🍤、甜品🍮，應有盡有，而某啲食物喺含有蛋奶成份，例如加咗蛋黃同皮蛋嘅嫩滑蒸蛋，同埋蛋白炒西蘭花🥦，唔食蛋奶嘅人要注意喇⚠️值得推介嘅有辣椒炒茭白筍，當中仲有茶樹菇、花生芽、西芹等蔬菜，炒香後有微微辣香相當惹味🌶，有啲似食緊炒回鍋肉嗰陣辣香😝另外仲有個香味好濃嘅黑松露伊麵，原來佢
地址：油麻地廣華街38號地舖
油麻地近廣華醫院有間啱啱6月先新開嘅素食餐廳——心裡有素 @veggiemind.group 🥦，佢哋主打素食自助餐，食物不含有五辛：蔥、大蒜、小蒜、韭菜、洋蔥🧅，而且食物喺每段自助餐時段都會源源不絕添加，包你食到捧住個肚返屋企😎
星期六嘅中午時間嚟食，做緊新張優惠$88可以食75分鐘，分兩個時段11:45-13:00同埋1301-1415，就算假期嘅晚市嚟食都唔算貴，食90分鐘都喺$108，仲唔收加一；價錢嚟講真喺算幾抵食👍
心裡有素以健康同真材實料做主打，所用嘅油喺野山茶油，呢種油不飽和脂肪酸含量高達91%，相對一般油健康；佢哋仲用百年老字號余均益嘅辣椒醬去炒飯麵，果然唔惹少🌶
每一輪自助餐都有40幾款選擇，沙律🥗、水果🍉、前菜、
小菜、
主食🍛、飲品🍵、湯品🍲、炸物🍤、甜品🍮，應有盡有，而某啲食物喺含有蛋奶成份，例如加咗蛋黃同皮蛋嘅嫩滑蒸蛋，同埋蛋白炒西蘭花🥦，唔食蛋奶嘅人要注意喇⚠️
值得推介嘅有辣椒炒茭白筍，當中仲有茶樹菇、花生芽、西芹等蔬菜，炒香後有微微辣香相當惹味🌶，有啲似食緊炒回鍋肉嗰陣辣香😝
另外仲有個香味好濃嘅黑松露伊麵，原來佢哋專登用咗比較貴嘅黑松露，伊麵炒出嚟黑松露味比較出，令人食唔停口，聽到隔離枱都喺度大讚呢🤣
我去嗰日咁啱有新菜式推出，用烏冬起膠再加豆腐整成偽蛋餅，加上炸紫菜、腰果碎、黑椒等配料香料，食落又真喺有8分似食緊蛋餅😋，唯獨喺覺得調味重咗少少🤏
其餘嘅炸物鹹香可口，今日有番薯天婦羅、椒鹽金針菇、椒鹽茶樹菇同南瓜天婦羅，用咗熱燈照住保持香脆同溫度，保溫同保質方面做得幾好🤓
適逢呢排日日都三十幾度☀️，餐廳仲專登煲咗薏米冬瓜腰果紅蘿蔔湯比大家消吓暑，認真夠晒細心呢💕
最後緊喺食甜品，先食咗碗加咗龍眼肉同杞子嘅清甜桃膠，
再食咗個超濃滑、加咗雲呢拿籽而唔喺單單雲呢拿油嘅焦糖燉蛋，令蛋香同雲呢拿味更加突出，最後仲有奶滑有陣陣奶香嘅意式奶凍，超滿足🥰飲品方面除咗有茶包之外🍵，仲有檸檬薏米水、玄米茶、桑椹山楂紅棗茶呢啲自家製健康飲品，我就緊喺飲返杯薏米水清吓熱同祛濕啦😙
張貼
