影片
更多
2024-01-27
1400 瀏覽
Momo’s cafe價錢💲: ~$400/ per好味程度😋: 3.7/5 (蒸🦞可以滿分) 服務🍴: 4/5 (收碟速度快) 環境🗾: 3.7/5性價比🥢: 5/5!回頭率😚: 3.7/5-好耐無食自助餐，見到呢排kkday做緊好多優惠自助餐買一送一，揀左間試下。折完先大概三百尾一個人，好小小的放題都唔只啦，超抵食。今次去的沙田萬豪酒店momo cafe裝修簡約，對比其他貴價酒店當然差d，但萬豪集團的buffet都係質素保證🤣 要有的類別都齊食，仲每人送一隻龍蝦！-✅✅清蒸波士頓龍蝦。好大隻有氣勢😳 因為原隻上，所以拆殼有d麻煩，但都係因為咁，入面保留左好多湯汁同蝦膏！一拆個頭啲膏已經好澎拜，creamy得來好鮮甜，連啲蝦水都想飲晒佢😂 起左全條肉出來食好爽！算大條肉，肉質飽滿結實爽彈，啖啖肉，好好食。送的比呢個質素完全對得住😍-✅✅凍海鮮。生蠔每人每次限拎2隻，size偏細，一開頭的鮮啲入口都滑溜。但去到後面的就開始覺得腥🥹 有麵包蟹、長腳蟹、青口、蜆、蝦。重點放係麵包蟹同長腳🦀️到就ok！好多膏的麵包蟹都幾甜。長腳蟹就正常，唔會話溶雪溶得唔好或者太鹹😉 魚生選擇都多，當日有三文魚
價錢💲: ~$400/ per
好味程度😋: 3.7/5 (蒸🦞可以滿分)
服務🍴: 4/5 (收碟速度快)
環境🗾: 3.7/5
性價比🥢: 5/5!
回頭率😚: 3.7/5
-
好耐無食自助餐，見到呢排kkday做緊好多優惠自助餐買一送一，揀左間試下。折完先大概三百尾一個人，好小小的放題都唔只啦，超抵食。今次去的沙田萬豪酒店momo cafe裝修簡約，對比其他貴價酒店當然差d，但萬豪集團的buffet都係質素保證🤣 要有的類別都齊食，仲每人送一隻龍蝦！
-
✅✅清蒸波士頓龍蝦。好大隻有氣勢😳 因為原隻上，所以拆殼有d麻煩，但都係因為咁，入面保留左好多湯汁同蝦膏！一拆個頭啲膏已經好澎拜，creamy得來好鮮甜，連啲蝦水都想飲晒佢😂 起左全條肉出來食好爽！算大條肉，肉質飽滿結實爽彈，啖啖肉，好好食。送的比呢個質素完全對得住😍
-
✅✅凍海鮮。生蠔每人每次限拎2隻，size偏細，一開頭的鮮啲入口都滑溜。但去到後面的就開始覺得腥🥹 有麵包蟹、長腳蟹、青口、蜆、蝦。重點放係麵包蟹同長腳🦀️到就ok！好多膏的麵包蟹都幾甜。長腳蟹就正常，唔會話溶雪溶得唔好或者太鹹😉 魚生選擇都多，當日有三文魚、吞拿魚、帶子、八爪魚、油甘魚、赤蝦、希靈魚。可能唔同時段會出唔同刺身，可以留意住。其中最好食係赤蝦，鮮甜又有蝦的膠質🤤
-
✅✅湯品。要分開湯類來講，因為幾出色！首先有燉菌湯，好濃菇的味道，放左d冬菇姬松茸等入口燉，飲盡菇的精華😌 中西湯都落足料煲幾甜。特別的仲有得叫廚師即制的海鮮湯！可以加入唔同海鮮例如帆立貝、魷魚、魚塊等，即煮暖身又夠海鮮味，同枱朋友叫左2次添😚
-
✅熟食。有好有唔好。切西冷、豬扒都好鞋，唔太建議拎🫣粉麵檔的喇沙椰香十足，味道濃郁，叫得過😬串燒corner的燒羊架、蔬菜等都好食。羊架好大肉，唔會得肥膏味。但鹹牛脷就唔好拎，鹹到癲！蒸魚好食，蒸得啱啱好，斑的魚肉好滑🥳仲有熱溶芝士，配綿密的🥔就最好食！食完呢d再有肚先食其他’不’個啲啦！個啲都係正常。燉湯> 粉面 > 串燒bbq > 芝士。
-
🆗甜品。4款口味的movenpick任食，另外有一系列蛋糕奶凍布甸同埋港式甜品。雞蛋仔新鮮出爐的話都不錯，脆脆的😝 豆腐花芝麻糕都幾好！蛋糕隨便拎左啲roll cake都比較粗鞋，奶凍就只有甜字咁🙈所以呢part可以輕輕帶過🫢
-
呢個價錢超值！係海鮮部分食多d已經可以回本。見到食物都不斷refill，好似生蠔呢d。熟食都唔錯，質素正常。唯獨係啲甜品味道差啲🤔 留肚食小小雪糕就好了。都係值得來食的buffet，當日平日都見到好多家庭聚會！
張貼
