芋圓一 (已結業)

夏日炎炎，食完晚飯，好想食返啲降溫嘅甜品。 咁啱喺大角咀，一於去試吓傳說中好多朋友介紹嘅芋圓一。 我同朋友總共叫咗兩款，傳統仙草芋圓，芋香仙草芋圓。 兩款比較之下，我會鍾意食傳統仙草芋圓多啲，感覺清新。 相比芋香仙草芋圓，我覺得佢嘅紫色芋香既(汁)比較甜，所以食落去就會覺得好滯，不過的確幾香。 分量方面，我自己都真係一個好大食嘅人，佢個份量絕對係超值，$36呢個價錢性價比實在太高。 如果唯一要挑剔嘅，就係覺得佢唔夠冰凍，雖然係嗌左凍嘅，但係上枱嘅時候仍然感覺暖暖。 絕對值得一試！