倫住蒸倫哥私房菜 (已結業)

朋友試過倫哥雞煲任食大讚抵食，見太子新開蒸氣火鍋，就黎試下抵唔抵食😀一到埗職員就俾餐牌俾我地揀煮法。佢主要都係推介清蒸或煮蒜蓉蒸，咁先食到海鮮嘅鮮味嘛。揀完之後無耐就有燉湯同鮑魚同花膠湯好足料，無味精。鮑魚細隻，但味道不錯。蝦好鮮甜。扇貝同粉絲好夾。蠔好大隻，第一次食呢個煮法，幾特別。龍蝦好大隻，肉質好彈牙蟹係我咁多海鮮至愛，呢到啲蟹好大隻，好多蟹go。忍唔住加錢追加多份，不過就無咁靚，無蟹go同細隻啲。最後會蒸個八寶飯，好足料，好好味。啲臘味好香。本身食海鮮唔係好飽肚，食埋個飯就啱啱好喇😬最最後就有個甜品，黑糖白涼粉。第一次見白涼粉，食落好似仙草咁，同黑糖好夾，唔會太甜，又唔會太飽。總括，呢到無得任食就應該無雞保咁抵食，但就真係食到飽咁走，同埋啲海鮮都好新鮮，所以呢到都抵食咖。另外呢到啲位好闊落，坐得好舒服。員工服務態度不錯。