Enjoy Eat (已結業)

閒時四圍覓食, 呢晚走到九龍城, 幾條街都食店林立, 見呢間西餐廳幾多人, 價錢相宜, 店員熱情地招呼入內, 一於試試.想食得清D, 所以要個櫻花蝦蟹肉意大利飯, 意大利飯唔易做得好, 呢度既飯軟腍度適中, 飯一粒一粒, 唔會太濕, 個汁剛剛好, 食落夠creamy. 櫻花蝦同蟹肉夠鮮味, 整個味道都好清新, 加多少少蟹籽, 食落更有口感.即焗蒜蓉包, 上枱已傳來陣陣蒜蓉香味, 好吸引. 個包焗到好脆口, 中間帶軟熟, 蒜蓉夠香但唔會濃到口臭既感覺,好開胃.餐湯有南瓜湯, 南瓜味濃, 仲有一絲絲既南瓜, 杰身足料.全部食物都好滿意, 性價比高.