PizzaExpress Lab (Fashion Walk) (已結業)

一直都好鍾意呢間pizza express係銅記嘅分店，因為環境又靚又舒服，而且店員都非常好service呢間pizza express嘅裝修好靚，同埋都有戶外位，見到好多帶狗狗嘅客坐戶外都好chill! Fashion Walk冇咁近銅鑼灣鬥市位置，而且望出窗外係維多利亞公園，所以係一個weekend想放鬆下嘅好地方今次試左兩款食物，第一款係比較健康嘅海鮮沙律，食落都唔錯，海鮮份量都唔少，而且幾新鮮配上on-side嘅柚子汁同芝士味道更加提升。如果當日唔想食咁重口味嘅話試下佢地嘅沙律都唔錯架，有時候都會有期間限定嘅款式，有興趣可以留意下第二道叫左一直都好鍾意嘅蜜糖雞肉pizza, 香脆嘅pizza底配上香濃蜜糖﹑雞肉同埋芝士，係我成日都會返兜嘅pizza問過店員其實pizza底有兩款可以隨口味去轉總括黎講佢地嘅環境同埋服務都好好，而食物方面選擇都好多，性價比都幾高。不過我地就冇叫set lunch, 因為set lunch可以選擇嘅就變得好少，好多款都要額外加錢先有。所以，如果你同我地一樣都唔係特別鍾意飲汽水或者都冇特別想試佢地嘅頭盤嘅話，建議可以好似我地咁單點都ok了。