牛極 (大全街) (已結業)

星期天難得放假，今日扮下文青到大角咀周圍逛下，晚飯時間搵間餐廳醫肚餓。喜歡吃牛嘅我，最後選了呢間位於大角咀大全街嘅「牛極」，地方寬闊，有4人座亦有單邊座位。餐廳設計參考日本餐廳，人客需先行在自助機選擇食物、飲品，然後購票，之後再送上食物。今日決定試吓牛肩排，牛排上枱前已舖上吸油紙擋油，另外還有膠圍裙提供，保護人客衣物，真係非常細心。至於食物方面，牛肩排熟度剛剛好，啱曬我心水。本身肉味夠，所以其實不需醬油也很鮮味，另外，餐廳設有自助吧：提供沙律菜、珍珠米飯、菜湯、醬油和水等，均可任意添食。當然食幾多拎幾多，千祈唔好浪費食物。臨走時店員仍不忘殷勤地介紹購票機板面餐牌，午餐及外賣優惠等等，要讃。