熱點點心專門店

營業中

休息中

傳統節日總係想食返d傳統野食，適逢中秋節於是就決定去飲茶。但係一般茶樓大時大節都肯定會好多人，於是就決定試下呢類茶餐廳式點心茶樓。呢間熱點位置好方便，係正港鐵站隔離，平時都多人排隊，今日就特登早少少過去食。佢地裝修幾特別，牆上有好多香港特式景點插畫，都幾有心思。我地點左照牌既豬麥流沙奶皇包，日鵝夜鵝蘿蔔酥，鳳爪排骨盅飯，金牌蝦餃皇，八寶籠仔蒸飯，仲有雞扎。個豬麥流沙奶皇包造型可愛，奶黃流心好香好熱，推介！日鵝夜鵝蘿蔔酥都係貪佢造型可愛所以點，佢用左天鵝造型，都幾神似，雖然個皮硬左少少，但好足料，蘿蔔亦好滑。其他點心都好好味,八寶籠仔飯材料亦非常多，又大大盤，推介大家有時間去試下！總括而言性價比好高