三公台灣料理 (已結業)

今日喺旺角shopping,望到對面有間樓上鋪係食台灣野，睇睇餐牌，價錢合理，有2人餐都幾抵食，入面d座位都幾寬，坐得都舒服，所以入去試吓。我地見2人餐好抵食，又有2個飯／麵，小食，甜品同2杯台式飲品，所以唔使諗就叫呢個餐。香酥排骨滷肉拌麵，塊豬排真係好巨型，炸到非常鬆脆，食落唔會好鞋，都夠晒淋，而個拌麵充滿晒滷水汁味，同夠晒彈牙，上面仲有好多配菜，唔會淨係食肉咁單調。香脆鹽酥雞滷肉拌飯，雞嘅份量都幾多，粒粒都炸到勁脆卜卜，食落好juicy,d滷肉都非常好味，送飯一流。甘梅地瓜條，炸到脆卜卜熱辣辣，上面鋪滿甘梅粉，所以食落口感首先係有少少酸酸地，入面地瓜甜甜地，好好袋。檸檬白玉愛玉＆黑蜜粉粿，見到呢碗甜品已經透心涼，粒粒愛玉都精營通透，佢地仲跟咗一杯仔熱情果汁比我地淋上去食，所以食落酸酸地勁開胃。椒麻拼盤分別有金錢肚，牛舌，大腸，一上枱麻辣味勁香，食落口不但有滷水味仲有麻辣味，仲有d金錢肚，牛舌同大腸炆到好淋，幾好食。檸檬濃乳愛玉菓子，杯野飲奶白色，好仙氣，飲落甜甜酸酸。蜜桃苿莉愛玉菓子，飲落好清新，蜜桃味好重，仲要入面有新鮮蜜桃果肉。