六両三 (鉅利大廈) (已結業)

半筋半肉麵紅燒湯底有淡淡藥材味，叫咗濃啲啱哂重口味人士。追加溏心蛋仲正，隻蛋比拉麵店都唔會輸，入味而且咬開蛋黃仲半生熟，必加！牛筋煲到好軟，夠哂膠質，牛肉見到係有肥膏位，一啲都唔柴。牛肋條麵麻辣湯底加咗$5，味道比紅燒再香啲，小小麻，小小辣。牛肋條牛味係三款最濃同吸汁。滷甜不辣配上酸酸甜甜嘅汁，食落夠哂開胃百頁豆腐表面係深啡色，滷水味勁濃，甜甜咸咸好推麻辣鴨血豆腐比較辣，感覺比麻辣湯仲辣。另，有加上芫荽，介意人士要注意‼️台灣香腸外皮脆薄，配上蒜片正！黑糖珍珠奶茶，紅豆珍珠奶茶配料好足，珍珠彈牙，唔算甜，較推珍珠！荔液滿白峰桂滿躺雪山兩者嘅分別係個汁，前者係配上荔枝汁，酸酸甜甜，加埋荔枝爆珠，整體比較涼爽。後者係桂花蜜配紅豆，比較甜，螞蟻人專屬。