嚐味館 (已結業)

今日趕時間咁啱經過就買咗個肉燥雞扒飯本身諗住醫肚就算，點知有驚喜。肉燥送飯一流，不過同平時岀面食開好濃味嘅唔同，呢個係啱啱好，唔會好肥膩之餘仲有啲香料嘅香味。除咗平時啲香料味，食落好似有啲香茅定子薑之類，帶輕微酸味，食落更開胃。雞扒都有驚喜，本身以為會係好普通一塊無味急凍雞扒，點知好香香茅味，雖然係炸嘅都無話好肥或者有陣油味最中意係隻流心蛋，真係流心蛋黃，不過因為其他嘢比較濃啲，變咗食落隻蛋就淡咗少少，下次應該食咗蛋先。不過都食到有陣香味嘅。整體配搭都幾唔錯，份量都頗多，女士可以兩個人share，男士都夠飽肚。呢個價錢，銅鑼灣嚟講性價比高，有驚喜。