影片
更多
2018-06-01
613 瀏覽
前排去銅鑼灣睇戲前，係皇室堡試咗間唔錯嘅意式餐廳。個人覺得價錢化算之餘，而且味道上絕對唔遜色，可以話係性價比高，絕對令你意想不到地覺得「又唔錯啵」。本來店內係有Dinner Set選擇，但由於我地都想試唔同嘅小食同飲品，所以就決定散叫夾份食。沒有前菜地直入主菜：我地分別柯打咗一份細嘅黃金四重芝士披薩、煙肉雜菇蕃茄忌廉意粉同一份炸原條白身魚配薯角。最先到嘅係飲品，我地叫咗一杯細嘅西班牙白雞尾酒同草莓桃沙冰。由於杯雞尾酒份量頗細，所以後期再多叫咗杯鮮水果茶。個人特別推薦草莓桃沙冰，唔只賣相靚，味道都調配得好濃，飲得出草莓被打成沙沙嘅口感，而且草莓之中帶有桃嘅味道，鮮果甜而帶微酸且清涼透心，口味非常適合大眾，大推薦。由於水果茶無酒精，所以我都小酌咗一杯，以容器去比較價錢，唔貴而且比起飲水更Fresh。其間意粉到達，雖然視覺上個蕃茄忌廉汁好稀，但味道係喜出望外地好食！一般忌廉汁會予人食得多會溜嘅印象，但估唔到佢加入蕃茄後，會有種相輔相成嘅作用，平平淡淡中有一點酸跳出。令人有種食唔停嘅效果，再配搭去邊都夾嘅煙肉雜菇，整體非常唔錯。承接住，先泥一個細芝士披薩，估唔到都係比想像中好食！食得出新鮮出爐
本來店內係有Dinner Set選擇，但由於我地都想試唔同嘅小食同飲品，所以就決定散叫夾份食。沒有前菜地直入主菜：我地分別柯打咗一份細嘅黃金四重芝士披薩、煙肉雜菇蕃茄忌廉意粉同一份炸原條白身魚配薯角。
最先到嘅係飲品，我地叫咗一杯細嘅西班牙白雞尾酒同草莓桃沙冰。由於杯雞尾酒份量頗細，所以後期再多叫咗杯鮮水果茶。個人特別推薦草莓桃沙冰，唔只賣相靚，味道都調配得好濃，飲得出草莓被打成沙沙嘅口感，而且草莓之中帶有桃嘅味道，鮮果甜而帶微酸且清涼透心，口味非常適合大眾，大推薦。由於水果茶無酒精，所以我都小酌咗一杯，以容器去比較價錢，唔貴而且比起飲水更Fresh。
其間意粉到達，雖然視覺上個蕃茄忌廉汁好稀，但味道係喜出望外地好食！一般忌廉汁會予人食得多會溜嘅印象，但估唔到佢加入蕃茄後，會有種相輔相成嘅作用，平平淡淡中有一點酸跳出。令人有種食唔停嘅效果，再配搭去邊都夾嘅煙肉雜菇，整體非常唔錯。
承接住，先泥一個細芝士披薩，估唔到都係比想像中好食！食得出新鮮出爐夠熱夠脆。而個人係披薩口味嘅選擇上係比較偏愛芝士味，因為可以好集中地食出芝士香味同口感，簡簡單單已經好足夠。跟餐配有一份蜜糖，間唔中點蘸些少，更可以令到單一嘅口味中奏起變化，不俗。
一浪接一浪，連炸魚薯角都到齊了！賣相似模似樣，連水準都係預期之上。炸魚除咗夠脆，而且火喉適中，保持到魚身嫩滑嘅口感，但切開亦不會令佢散開，呢個價錢配呢個質量真係十分難得。如果怕齋食太乾，仲可以點下個蜜糖芥未醬，呢種食法都非常速配，岩哂鐘意甜口味嘅朋友！
最後為咗完滿作結呢一餐，叫咗一個比較開心嘅朱古力芭菲。最頂以朱古力、牛奶雪糕球打頭陣；中層分別係濃濃嘅朱古力、牛奶布甸；最低則係粟米片鋪底。食完馬上連遺失咗嘅少女心同童真都番哂泥。自行想象以上嘅結合物甜品，的確可能會有啲太甜，但攜童嘅朋友不妨可以試下，因為係真心唔錯。
總結，整體真係覺得性價比高。成日聽回流返港嘅朋友話係香港食意大利野會出事，但我覺得呢間餐廳絕對可以平反一下。非常推薦比一家大細或朋友聚會嘅意大利菜餐廳。
張貼
