影片
更多
2019-08-19
3023 瀏覽
媽媽未食過蒸海鮮，所以佢生日指明話要去試下。除左酒樓，而家食蒸海鮮既食店都真係唔多，潮褔 果d 真係好貴，呢度$278 仲唔使加一真係幾吸引。不過見大家講到好難book, 所以都早左成個月🤣個電話真係好難通，打左十幾次先成功😓真係要比d 耐力。我地訂左頭場5:45, 早左十分鐘已經大排長龍，落住雨都係要夠鐘先放人🥺✨先黎一人一盅既青紅蘿蔔湯，個湯甜到不得了，甜到有d 唔自然，不過其實係好飲既，入邊仲加左d 腰果，同有三大舊瘦肉。男友成日覺得個餐得海鮮食唔飽人，所以我就隊晒d 瘦肉比佢🤣。✨龍蝦每人有半邊，估唔到都幾大隻。我地因為6個人，一個枱得一個爐，所以佢另外幫我地蒸。龍蝦肉好彈牙鮮味，蒜蓉好香，仲好多綠色既膏同好多汁，個鉗啖啖肉，我地個個都覺得龍蝦係最好食👍🏻✨蠔蒸完出黎好細隻，不過味道唔差，但我姐食到果隻話有d 苦苦地，不過縮左水真係無乜肉食。✨鮑魚幾大隻，店員仲會幫手起埋肉去埋個內臟添，鮑魚食落唔會韌仲非常彈口，都食到鮑魚鮮味。 ✨本身叫元貝但無貨，轉左蟶子，呢個蟶子超鮮味又夠大隻，食落爽口唔韌。翠肉瓜夠juicy, 搽d 豉汁正ar😍 !✨花甲真係唔好叫，其實細粒到似蜆，而且
不過見大家講到好難book, 所以都早左成個月🤣個電話真係好難通，打左十幾次先成功😓真係要比d 耐力。
我地訂左頭場5:45, 早左十分鐘已經大排長龍，落住雨都係要夠鐘先放人🥺
✨先黎一人一盅既青紅蘿蔔湯，個湯甜到不得了，甜到有d 唔自然，不過其實係好飲既，入邊仲加左d 腰果，同有三大舊瘦肉。男友成日覺得個餐得海鮮食唔飽人，所以我就隊晒d 瘦肉比佢🤣。
✨龍蝦每人有半邊，估唔到都幾大隻。我地因為6個人，一個枱得一個爐，所以佢另外幫我地蒸。龍蝦肉好彈牙鮮味，蒜蓉好香，仲好多綠色既膏同好多汁，個鉗啖啖肉，我地個個都覺得龍蝦係最好食👍🏻
龍蝦
140 瀏覽
0 讚好
0 留言
✨蠔蒸完出黎好細隻，不過味道唔差，但我姐食到果隻話有d 苦苦地，不過縮左水真係無乜肉食。
✨鮑魚幾大隻，店員仲會幫手起埋肉去埋個內臟添，鮑魚食落唔會韌仲非常彈口，都食到鮑魚鮮味。
✨本身叫元貝但無貨，轉左蟶子，呢個蟶子超鮮味又夠大隻，食落爽口唔韌。翠肉瓜夠juicy, 搽d 豉汁正ar😍 !
蟶子
86 瀏覽
0 讚好
0 留言
✨花甲真係唔好叫，其實細粒到似蜆，而且又有d 沙，早知叫蝦好過。
✨相反沙白蜆，雖然細粒，但味道鮮好多，而且無咁多沙，連d 甜豆都清甜d~~
✨肉蟹每人有半邊，㨂左泰式醬，雖然話少辣，但我唔食得辣都幾辣。不過辣辣地又幾惹味，隻蟹真係啖啖肉，仲好多汁，必食之選😍
肉蟹
59 瀏覽
0 讚好
0 留言
✨魷魚腸粉好好味，d 魷魚幾厚身又有鮮味，腸粉配沙嗲醬幾有驚喜。個腸粉好滑，皮夠薄又帶點彈性，沙嗲醬辣辣地好惹味。
魷魚沙嗲腸粉
84 瀏覽
0 讚好
0 留言
✨其實飲完個湯，食埋海鮮d 瓜瓜菜菜都有七成飽，跟住食埋個八寶飯再塞飽你🤣。可以㨂八樣材料，撈埋一齊，加埋豉油，花生蔥又幾好食。 蝦醬豬腩肉，夠肥美又有蝦醬香味。雞翼每人有半隻，飽滿肉嫩，茄子，南瓜又夠晒淋，食完都好飽喇。
八寶飯
239 瀏覽
1 讚好
0 留言
✨最後仲有個雪梨雪耳糖水潤一潤，食物質素整體都唔錯，屋企人都大讚。唯一係環境比較嘈，地下好滑，廁所洗手盤又塞到難以洗手😵真係要改善下。如果有濕紙巾提供會好d, 因為食海鮮果d 都幾呢hea.不過我覺得服務方面唔錯，set 好晒時間又有人分埋野食，完全唔使理。性價比幾高😆決定下個月再食過，不過真係打成十次八次電話都無人聽。。好彩有人call back 番
張貼
