花臣車仔麵 (已結業)

一種能夠代表香港嘅美食----車仔麵, 好耐冇食過啦，放假行完街想去食一下，今日介紹呢間 ~~ 花臣車仔麵。位於黑布街, 地鐵站步行約6分鐘就到達。餐廳裝修有懷舊特色，而且仲有樓上雅座 ! 最攪笑係有個白武士喺度看舗 !!! 車仔麵配料有60幾種咁餸，由＄8蚊去到最貴都係＄15蚊一味餸，又多選擇, 多樣化!仲有最愛街頭小食：~~咖哩水魷、咖喱魚蛋、咖喱蘿蔔、南乳豬手、韭菜豬紅、牛柏葉、瑞士雞翼等。一人一張點餐紙，可以點D自己最愛食嘅嘢同埋飲品。瑞士汁烏冬🍜：湯底非常濃郁😍，仲有最愛的瑞士雞翼🐣、黑椒牛柳粒，煮得非常入味! 而咖哩水魷、咖喱魚蛋都非常好味，大腸同豬紅口感細滑，泡菜餃又不太辣, 烏冬亦很彈牙。咖喱魚蛋泡菜餃通菜麥精 ~~ 太好味了 ! 總結：花臣車仔麵真係材料都係分量充足款式選擇多, 而大部分人都認為, 材料、湯底係好重要, 但其我覺得最重要的, 一定係「性價比高」！加上價錢相當合理，下次一定要會再黎！