炎天丼 (已結業)

好耐都冇食過日本野啦！喺香港要食高質又平嘅丼飯真係有啲難度，想食高質就要好貴，食得太平又易中伏🙂今日難得搵到一間性價比唔錯的丼飯，即刻推介俾大家👊🏻🔹海膽天丼 $89📍8/10聽講最多人推薦「海膽天丼」，冇理由唔試下🤤呢個飯共有六款炸物：菜心苗、茄子、蓮藕、南瓜、海膽天婦羅和流心蛋；所有食物都係新鮮炸起，食落又熱又脆！主菜「炸紫菜海膽」幾新鮮，一脆一軟，口感豐富，海膽冇腥味，但就唔夠鮮甜🤔其餘的天婦羅炸得剛剛好，炸粉不厚；菜心苗好似薯片般脆口，冇草青和苦澀味，蓮藕爽口，南瓜清甜，整體不錯！🔶海鮮天丼 $76📍9/10論價錢和食物配搭，呢個海鮮天丼性價比更高！配料有魷魚、蟹肉棒和虎蝦，但就平左十幾蚊，足以填補海膽嘅空位呀🤣三樣炸物炸到好鬆脆，虎蝦仲有啲彈牙，食落不覺太油膩～今餐最期待就係炸流心蛋🙊因為要兼顧脆皮，同半生熟嘅效果真係幾難～估唔到呢間又做得唔錯，外脆內軟，又流到蛋漿🤤按喜好淋上秘製天汁和日本飯素，撈一撈，おいしい！