影片
更多
2021-11-19
25 瀏覽
今日入咗天水圍做嘢，之後就順便搵嘢食。平時比較少入天水圍，人生路不熟，誤打誤撞之下入咗頌富街市，呢個新裝修嘅街市入面竟然俾我發現有一間平價又性價比高嘅外賣壽司店。 店員遞上餐牌，一打開嘅感覺係：咁多選擇嘅？ Menu 選擇多，有刺身丼/壽司盛/手卷/軍艦/刺身/飯類/烏冬/拉麵，每項都有多個款式選擇，適合唔同需要嘅朋友。睇咗餐牌好耐，樣樣都想試。。。對選擇困難症嘅人，可能有d難度🤣最後叫咗： =四色丼 $48=四色丼有三文魚，八爪魚，蝦，蟹子。首先一定要讚蟹子超級多，可以佈滿整個丼飯！八爪魚，蝦新鮮大隻，三文魚厚切鮮甜多肉，食落亦唔覺得有雪藏味。飯嘅份量夠多，作為正餐也足夠填飽肚子。 =吞拿魚刺身 +油甘魚刺身 (各4片) $20+46=跟丼飯可以以超低價+$20就有4片吞拿魚刺身！咁抵點會唔加！另加油甘魚刺身。師傅細心地將跟餐嘅吞拿魚刺身同油甘魚刺身排得靚靚放在一起！油甘魚一口咬落去，不得了！鮮甜到不可相信嘅地步，絕對相信係即日入貨！突然好掛住日本嘅感覺出晒黎！ =炙燒帆立貝手卷 $34=餐牌上，手卷類放大了炙燒帆立貝手卷，一於試一試佢！放了兩粒大大粒嘅帆立貝，一攞起手…一個不小心跌
店員遞上餐牌，一打開嘅感覺係：咁多選擇嘅？
Menu 選擇多，有刺身丼/壽司盛/手卷/軍艦/刺身/飯類/烏冬/拉麵，每項都有多個款式選擇，適合唔同需要嘅朋友。睇咗餐牌好耐，樣樣都想試。。。對選擇困難症嘅人，可能有d難度🤣
最後叫咗：
=四色丼 $48=
四色丼有三文魚，八爪魚，蝦，蟹子。
首先一定要讚蟹子超級多，可以佈滿整個丼飯！八爪魚，蝦新鮮大隻，三文魚厚切鮮甜多肉，食落亦唔覺得有雪藏味。飯嘅份量夠多，作為正餐也足夠填飽肚子。
=吞拿魚刺身 +油甘魚刺身 (各4片) $20+46=
跟丼飯可以以超低價+$20就有4片吞拿魚刺身！咁抵點會唔加！另加油甘魚刺身。
師傅細心地將跟餐嘅吞拿魚刺身同油甘魚刺身排得靚靚放在一起！
油甘魚一口咬落去，不得了！鮮甜到不可相信嘅地步，絕對相信係即日入貨！突然好掛住日本嘅感覺出晒黎！
=炙燒帆立貝手卷 $34=
餐牌上，手卷類放大了炙燒帆立貝手卷，一於試一試佢！放了兩粒大大粒嘅帆立貝，一攞起手…一個不小心跌咗一粒….失敗！用火槍燒過嘅帆立貝仍然十分鮮味，包住紫菜同飯一齊食，一絕！
值得一題嘅係：以上嘅刺身同手卷係完全唔需要點鼓油，因為十分新鮮！
呢間小店絕對俾到一個意想不到嘅驚喜我，估唔到嚟到天水圍都食到日本感覺，性價比又高！
張貼
