炎舞家 (已結業)

店面企理乾淨，員工都勤收碟，食物方面我覺得佢哋相當大方，有目拔魚，油甘魚和鯖魚，上台時相當大份（有圖😊）,炸物即叫即炸有我最愛日式忌廉薯餅和魷魚鬚當然唔錯過（都有圖🥰）,仲有燒烤方面海鮮類有蝦，蠔，帶子，青口，魷魚。而肉類都有質素，推介西冷牛，超好食。食食吓見對面枱入座點和牛餐，上牛時齋睇覺得相當正，下次一定要點和牛餐試吓。食放題好多人都唔會點主食，但我見好似好正都點咗海鮮烏冬，香蔥紫菜飯和生薑燒飯，做得唔錯幾好食，不過略嫌香蔥紫菜飯紫菜太少（可能牛角會比好多所以有所期待呱）。差D漏咗，甜品食咗個白桃雪糕，好大杯，超好食。