高興 (已結業)

觀塘工廈cafe，街知巷聞，見到大家都post 啲咁靚嘅相同咁好評，當然想試試係咪真係咁好。一去到，呢度真係好有特色，令人有個好舒服嘅感覺。食左一大半，先記得無影相。吉列魚沙律：魚同菜都夠鮮，魚炸得夠脆，裡面好juicy，一日口已進溶，沙律係light dressing，食完唔會覺得有好heavy嘅感覺，好好！日式咖哩吉列蠔飯：蠔都係好鮮，炸得啱啱好，粉好薄，外脆內juicy，真係得嗰幾隻係覺得唔夠。 咖哩汁入口香，帶甜，唔係咖哩粉嘅味道，推介拿破崙肉醬燴瑞典肉丸意大利粉：意大利粉al dente，軟硬度剛剛好。肉丸唔硬，不過差啲啲味道。番茄汁底可以濃多小小，同埋唔係好夠汁，但見到係有心之作不過整體黎講，唔錯。海鮮意大利飯：蝦，帶子全部都有牛油封過，仲要封得剛好，外面熱，裡面仲係juicy，飯嘅調味做得好好，well-balanced，唯一美中不足嘅係可以再收多小小水，濕左啲啲，同埋可以硬返啲啲。整體：員工好有禮貌，坐得好舒服，傾計好舒服，全部野食都好鮮，廚師煮食時間全部掌握得好好，高評，一定會再返去！