八番屋 (已結業)

有一段時間冇嚟到新達廣場，翻新咗之後，商場靚咗好多，今晚一於同朋友去食八番屋食拉麵！餐廳有提供多款日式拉麵丶丼飯和小食等選擇，而且性價比高，店員服務亦好親切，店內非常整潔。我哋最後決定點一份二人套餐，內容超級豐富，除咗有兩款拉麵/丼飯，仲有前菜、小食、飲品！二人套餐前菜-麵豉湯x2主食-直源叉燒沾麵x2叉燒拉麵麵質爽滑彈牙，非常有口感。而沾麵湯豬骨味超級香濃，把麵浸泡係湯汁中，再掛湯入口，非常美味。小食拼盤x1內容非常豐富，有芝麻雞翼x2，炸雞球x2，炸蝦x2，年糕x1串。日式炸物新鮮炸起，香氣十足，芝麻雞翼香脆可口，炸雞肉非常juicy，而日式年糕串食起嚟好Q彈！一次過食晒好滿足！餐飲x2除咗可以揀汽水丶檸檬茶等之外，仲可以選擇特飲，我哋點咗乳酸梳打&雜果賓治，爽口香甜又解膩，perfect！