壽司郎 (已結業)

雖然壽司郎已經喺香港開咗好多分店，不過我成日怕有排等位，所以都無咩動力去食😅今次係朋友第1x次約我去食，我都唔好意思再推就應承咗去食😅雖然最後都等咗三粒幾鐘，但係食完之後我就明點解咗多人寧願排咁耐隊都要食😆話說我同朋友兩個人都鍾意食蝦，所以我哋一人都食咗兩碟蝦三味（$17/3件）唔計熟蝦，另外兩款蝦都好鮮甜，以呢個價位嚟講真係無得輸😆😆至於拖羅，我就叫咗大拖（$27/件），油脂豐腴，鮮甜味甘😋 雖然呢個價位嚟講係店中較高嘅款式，不過我又覺得出面食一定唔止$27，所以都算好抵食另外，我又叫左個茶碗蒸（$19），入面有帆立貝、蝦、嗚門卷、菇同雞肉，整體嚟講都ok😜唯一覺得伏嘅就係螢光魷魚🦑因為真係太咸🤢🤢我哋其實仲叫咗好多其他野，不過因為等太耐太肚餓，所以唔記得咗影相😅 當中厚切三文魚同油甘魚都好正 再有機會食都一定會encore😂😂不過食完之後朋友話中拖羅性價比最高，所以下次都一定會叫😆😆